მომსახურების პირობები

ნასყიდობის პირობები

წინამდებარე დოკუმენტი წარმოადგენს შპს ეტერნა ჯორჯია-სა (შემდგომში – კომპანია) და პროდუქტის შემძენ პირს შორის (შემდგომ – მომხმარებელი) დისტანციურად დადებულ ნასყიდობის ხელშეკრულების პირობებს. შეკვეთის განთავსებით/პროდუქტის შეძენით მომხმარებელი ადასტურებს, რომ გაეცნო წინამდებარე პირობებს, ეთანხმება მათ და პასუხისმგებელია მათ შესრულებაზე.

კომპანიის რეკვიზიტები და საკონტაქტო ინფორმაცია

იურიდიული სახელწოდება: შპს ეტერნა ჯორჯია;

საიდენტიფიკაციო კოდი: 405784940;

იურიდიული მისამართი: თბილისი, კარტოზიას 10;

ფაქტობრივი მისამართი: თბილისი, ალ. ყაზბეგის გამზ. 46;

ელექტრონული ფოსტა: hello@eternadecor.ge;

ტელეფონი: 555 47 11 23;

ვებ-გვერდი: www.eternadecor.ge.

ხელშეკრულების საგანი
- კომპანია იღებს ვალდებულებას, მომხმარებლის მიერ განთავსებული შეკვეთის საფუძველზე გადასცეს მას პროდუქტ(ებ)ი, ხოლო მომხმარებელი იღებს ვალდებულებას გადაიხადოს პროდუქტ(ებ)ის საფასური (შემდგომში – პროდუქტის საფასური).
- პროდუქტის არსებითი მახასიათებლები (ზომა, მასალა, ფერი ან/და სხვა) მითითებულია ვებ-გვერდზე თითოეული პროდუქტის გვერდზე.

პროდუქტის საფასური და მისი გადახდის წესი
- პროდუქტის საფასური (მათ შორის ერთეულის ფასი) მითითებულია ვებ-გვერდზე, თითოეული პროდუქტის გვერდზე მკაფიო და გასაგები ფორმით.
- პროდუქტის საფასური მოიცავს საქართველოს კანონმდებლობით გათვალისწინებულ გადასახადებსა და გადასახდელებს.
- პროდუქტის ტრანსპორტირების, მიწოდებისა და სხვა დამატებითი ხარჯები (ასეთის არსებობის შემთხვევაში), ნათლად მიეთითება შეკვეთის განთავსების პროცესში, გადახდის ეტაპამდე.
- შეკვეთის განთავსების ღილაკზე დაჭერა მომხმარებელისთვის ერთმნიშვნელოვნად წარმოშობს პროდუქტის საფასურის გადახდის ვალდებულებას.
- პროდუქტის საფასურის გადახდა წარმოებს შეკვეთის განთავსებისთანავე.

შეკვეთის განთავსება და ხელშეკრულების დადება
- ხელშეკრულება დადებულად მიიჩნევა შეკვეთის განთავსების მომენტიდან.
- შეკვეთის განთავსების (ხელშეკრულების დადების) დადასტურება მომხმარებელს ეგზავნება ელექტრონული ფოსტით, გონივრულ ვადაში, მაგრამ არაუგვიანეს პროდუქტ .
- შეკვეთის განთავსების დადასტურება შეიცავს:
  - შეკვეთის შინაარსს (პროდუქტი, რაოდენობა, პროდუქტის საფასური);
  - მიწოდების პირობებს;
  - ხელშეკრულებაზე უარის თქმის უფლებასთან დაკავშირებულ ინფორმაციას.

პროდუქტის მიწოდება
- კომპანია ვალდებულია მომხმარებელს პროდუქტი მიაწოდოს დაყოვნების გარეშე, მაგრამ შეკვეთის განთავსებიდან არაუგვიანეს 30 კალენდარული დღისა, თუ შეკვეთის განთავსების დადასტურებაში სხვა ვადა არ არის გათვალისწინებული.
- პროდუქტის მიწოდება ხორციელდება შემდეგ ქალაქებში: თბილისი, ბათუმი, ქუთაისი, ზესტაფონი, სამტრედია, რუსთავი, გორი.
- თუ კომპანია დადგენილ ვადაში ვერ შეასრულებს პროდუქტის მიწოდების ვალდებულებას, მომხმარებელი უფლებამოსილია:
  - განუსაზღვროს კომპანიას გონივრული დამატებითი ვადა;
  - ვადის გასვლის შემდეგ თქვას უარი ხელშეკრულებაზე და მოითხოვოს გადახდილი თანხის დაბრუნება;
  - ამ მუხლის 5.3 პუნქტით გათვალისწინებული დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება ან მომხმარებელმა ხელშეკრულების შესრულება პროდუქტის დროულად მიღებას დაუკავშირა.
- თუ მომხმარებელს პროდუქტი იმის გამო არ მიეწოდება, რომ იგი ხელმისაწვდომი არ არის მის მიერ მითითებულ მისამართზე, აღნიშნული არ წარმოადგენს კომპანიის მიერ მიწოდების ვადების დარღვევას.

მომხმარებლის უფლებები ნაკლის მქონე პროდუქტის მიწოდებისას
- იმ შემთხვევაში, თუ პროდუქტი ნაკლის მქონე აღმოჩნდა, მომხმარებელს უფლება აქვს, კომპანიას მოსთხოვოს ნაკლის აღმოფხვრა (პროდუქტის უსასყიდლოდ შეკეთება ან შეცვლა, პროდუქტის საფასურის შემცირება) ან გავიდეს ხელშეკრულებიდან.
- პროდუქტის შეკეთება და შეცვლა მომხმარებლის პირველი რიგის უფლებებია.
- მომხმარებელს უფლება აქვს, კომპანიას მოსთხოვოს პროდუქტის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, პროდუქტის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
- პროდუქტი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება პროდუქტის ბუნებისა და იმ მიზნის გათვალისწინებით, რომლისთვისაც მან ეს პროდუქტი შეიძინა.
- პროდუქტის უსასყიდლოდ შეკეთება ან შეცვლა გულისხმობს კომპანიის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა პროდუქტის ხელშეკრულებით გათვალისწინებულ პირობებთან შესაბამისობის უზრუნველსაყოფად.
- მომხმარებელს უფლება აქვს, მოითხოვოს პროდუქტის საფასურის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
  - თუ გონივრულ ვადაში პროდუქტის შეკეთება ან შეცვლა შეუძლებელია;
  - კომპანიამ პროდუქტი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
  - კომპანიის მიერ პროდუქტის შეკეთება ან შეცვლა მომხმარებელს მნიშვნელოვან შეფერხებას შეუქმნის.
- მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
- მომხმარებელს არ აქვს უფლება, უარი თქვას ხელშეკრულებაზე, თუ პროდუქტის ნაკლი უმნიშვნელოა.
- იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:
  - პროდუქტის ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;
  - პროდუქტის ხელშეკრულებით გათვალისწინებულ პირობებთან შეუსაბამობის ხარისხი;
  - პროდუქტის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

დისტანციურ ხელშეკრულებაზე უარის თქმის უფლება
- საქართველოს კანონმდებლობისა და ამ ხელშეკრულებით დადგენილი გამონაკლისების გარდა, მომხმარებელს უფლება აქვს, ყოველგვარი საფუძვლის მითითების გარეშე უარი თქვას დისტანციურ ხელშეკრულებაზე მომხმარებლის ან მის მიერ განსაზღვრული მესამე პირის მიერ (გარდა გადამზიდავი პირისა) პროდუქტის მფლობელობაში მიღებიდან 14 კალენდარული დღის განმავლობაში.
- მომხმარებლის მიერ ხელშეკრულებაზე უარის თქმის შემთხვევაში მას არ დაეკისრება არანაირი ხარჯის (მათ შორის, მიწოდების ხარჯის) გაწევა, გარდა იმ შემთხვევისა, როდესაც მომხმარებელმა კომპანიის მიერ შეთავაზებული სტანდარტული მიწოდების მომსახურებაზე უფრო ძვირი მიწოდების მომსახურება აირჩია ან პროდუქტის საფასური შემცირდა ისეთი სარგებლობის შედეგად, რომელიც დაკავშირებული არ არის პროდუქტის ბუნების, მახასიათებლებისა და ფუნქციონირების დადგენასთან. პროდუქტის საფასურის შემცირების შედეგად წარმოშობილი სხვაობის დაფარვის ვალდებულება მომხმარებელს არ დაეკისრება, თუ კომპანიამ მას კანონით გათვალისწინებული ხელშეკრულებაზე უარის თქმის უფლების შესახებ სრული ინფორმაცია არ მიაწოდა.
- მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.
- მომხმარებელი ვალდებულია კომპანიას ამ მუხლის პირველი პუნქტით დადგენილ ვადაში გაუგზავნოს შევსებული ფორმა (დანართი 1) ან სხვა ცალსახა მტკიცებულება, რომელიც ასახავს მომხმარებლის გადაწყვეტილებას პროდუქტის დაბრუნების შესახებ. ამ მუხლით გათვალისწინებული ხელშეკრულებაზე უარის თქმის უფლების დადგენილ ვადაში განხორციელების მტკიცების ტვირთი ეკისრება მომხმარებელს.
- მომხმარებელს შეუძლია ისარგებლოს ხელშეკრულებაზე უარის თქმის უფლებით ამ მუხლის პირველი პუნქტით დადგენილ ვადაში, თუ მან ხელშეკრულებაზე უარის თქმის შესახებ შეტყობინება კომპანიას აღნიშნული ვადის ამოწურვამდე გაუგზავნა. იმის მტკიცების ტვირთი, რომ ხელშეკრულებაზე უარის თქმის უფლება ამ მუხლის შესაბამისად განხორციელდა, ეკისრება მომხმარებელს.
- თუ კომპანია მომხმარებელს არ მიაწვდის ინფორმაციას კანონით გათვალისწინებული პროდუქტის დაბრუნების უფლების შესახებ, აღნიშნული პროდუქტის დაბრუნება შესაძლებელია ამ მუხლის პირველი პუნქტით დადგენილი ვადის გასვლიდან 12 თვის განმავლობაში.
- თუ კომპანიამ მომხმარებელს ამ მუხლის პირველი პუნქტით დადგენილი ვადის ათვლის მომენტიდან 12 თვის ვადაში მიაწოდა ინფორმაცია ხელშეკრულებაზე უარის თქმის უფლების შესახებ, პროდუქტის დაბრუნების 7-დღიანი ვადა აღნიშნული ინფორმაციის მიღებიდან აითვლება.
- მომხმარებელს არ აქვს უფლება, უარი თქვას ხელშეკრულებაზე, თუ უარის თქმის საფუძველს წარმოადგენს საქართველოს კანონმდებლობის შესაბამისად დადგენილი საგამონაკლისო შემთხვევა.

დისტანციურ ხელშეკრულებაზე უაროს თქმის შედეგი
- ხელშეკრულებაზე უარის თქმის შედეგად ქარწყლდება მხარეების მიერ დისტანციურად დადებული ხელშეკრულება, ხოლო ის, რაც მხარეებმა მისი შესრულებით მიიღეს, მათ უბრუნდებათ.
- ხელშეკრულებაზე უარის თქმის შემთხვევაში კომპანია ვალდებულია:
  - მომხმარებელს გადახდილი თანხა, აგრეთვე არსებობის შემთხვევაში − მიწოდების ხარჯის ასანაზღაურებლად გადახდილი თანხა დაუბრუნოს სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან არაუგვიანეს 14 კალენდარული დღისა.
  - თანხა აანაზღაუროს გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს და მას დამატებითი ხარჯი არ წარმოეშობა.
- კომპანია ვალდებული არ არის, მომხმარებელს დაუბრუნოს იმ დამატებითი ხარჯის ასანაზღაურებლად გადახდილი თანხა, რომელიც დაკავშირებულია მომხმარებლის მიერ არასტანდარტული ან კომპანიის მიერ შეთავაზებული მიწოდების მომსახურებაზე უფრო ძვირი მიწოდების მომსახურების არჩევასთან.
- ხელშეკრულებაზე უარის თქმის შემთხვევაში კომპანიას უფლება აქვს, უარი თქვას თანხის დაბრუნებაზე მანამ, სანამ პროდუქტს არ დაიბრუნებს ან მომხმარებლისგან არ მიიღებს პროდუქტის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც კომპანიამ თავად იკისრა პროდუქტის უკან წაღება.
- ხელშეკრულებაზე უარის თქმის შემთხვევაში მომხმარებელი ვალდებულია:
  - კომპანიას ან მის მიერ განსაზღვრულ მესამე პირს დაუბრუნოს პროდუქტი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც კომპანიამ თავად იკისრა პროდუქტის უკან წაღება;
  - გასწიოს მხოლოდ პროდუქტის დაბრუნებასთან დაკავშირებული პირდაპირი (უშუალო) ხარჯი, გარდა იმ შემთხვევისა, როდესაც კომპანიამ თავად იკისრა ამ ხარჯის გაწევა.

მხარეთა პასუხისმგებლობა
- მხარეები იღებენ ვალდებულებას აუნაზღაურონ ერთმანეთს მათ მიერ ხელშეკრულების სრულად ან ნაწილობრივ შეუსრულებლობის ან არაჯეროვნად შესრულების ან/და ნებისმიერი განზრახი ან გაუფრთხილებელი ქმედების შედეგად მიყენებული ზიანი/ზარალი კანონმდებლობით ან/და ხელშეკრულებით დადგენილი წესით, ხოლო ზიანის/ზარალის ანაზღაურება მხარეებს არ ათავისუფლებს ხელშეკრულებით ნაკისრი ვალდებულებების შესრულებისაგან.
- კომპანია პასუხს არ აგებს ვალდებულების შეუსრულებლობაზე, თუ ეს გამოწვეულია ფორს-მაჟორის (დაუძლეველი ძალის) გარემოებებით. ფორს-მაჟორი არის სტიქიური კატასტროფა, ხანძარი, საომარი მოქმედება, მოქმედი კანონმდებლობაში ცვლილებების შეტანა ან ახალი სამართლებრივი აქტების გამოცემა, მესამე პირის მიერ სასამართლო დავის დაწყება ან/და კომპანიისთვის გადაულახავი და კომპანიის კონტროლისაგან დამოუკიდებელი სხვა გარემოებები, რომლებიც: ა) არ არის დაკავშირებული კომპანიის შეცდომებსა და დაუდევრობასთან, ბ) დაიწყო ან განვითარდა ხელშეკრულების დადების შემდეგ და გ) პირდაპირ და უშუალო ზეგავლენას ახდენს ხელშეკრულებით ნაკისრი ვალდებულებების სრულად ან/და ჯეროვნად შესრულებაზე

დავების გადაწყვეტა
- ნებისმიერი დავა, რომელიც წარმოიშვება წინამდებარე ხელშეკრულებიდან ან დაკავშირებულია მასთან, მხარეები პირველ რიგში ცდილობენ მოგვარონ მოლაპარაკების გზით.
- მოლაპარაკებით დავის გადაწყვეტის შეუძლებლობის შემთხვევაში, დავა გადაწყდება საქართველოს სასამართლოებში, საქართველოს კანონმდებლობით დადგენილი წესით.

კანონმდებლობა
- წინამდებარე ხელშეკრულება რეგულირდება საქართველოს კანონმდებლობით.

დასკვნითი დებულებები
- წინამდებარე ხელშეკრულების ნებისმიერი ცვლილება ძალაში შედის ვებ-გვერდზე გამოქვეყნებიდან 3 კალენდარული დღის შემდეგ.
- ცვლილებები არ ვრცელდება უკვე განთავსებულ შეკვეთებზე.
- ხელშეკრულების რომელიმე პირობის ბათილობა არ იწვევს დანარჩენი პირობების ბათილობას.
- ხელშეკრულება შედგენილია ქართულ ენაზე და ნებისმიერი სხვა ენაზე თარგმნილ ვერსიასთან წინააღმდეგობის შემთხვევაში უპირატესობა ენიჭება ქართული ტექსტს.

ხელშეკრულებაზე უარის თქმის სტანდარტული ფორმა (დანართი N1)

კომპანია: ეტერნა ჯორჯია;

ელ. ფოსტა: hello@eternadecor.ge;

მისამართი: თბილისი, ალ. ყაზბეგის გამზ 46;

ტელეფონის ნომერი: 555471123;

მე, ქვემოთ ხელმომწერი, ვაცხადებ უარს ჩემს მიერ დადებულ ხელშეკრულებაზე შემდეგი პროდუქტის შეძენასთან დაკავშირებით:

პროდუქტის დასახელება: [?]

შეკვეთის ნომერი: [?]

შეკვეთის განთავსების თარიღი: [?]

მომხმარებლის სახელი: [?]

მომხმარებლის მისამართი: [?]

მომხმარებლის ხელმოწერა

თარიღი: [?]